Góðan dag. Góða nótt . Allt í lagi að segja góða nótt við fólk því yfirleitt er það á leiðinni að sofa í framhaldi af því. Góðan dag. Það er heimskulegt. Ég lít á það þannig að maður sé að segja „megiru eiga góðan dag“ en af hverju er þetta þá sagt í byrjun setninga oft á tíðum. Það er bara plain heimskulegt. Eins og að segja bless og halda svo áfram að spjalla. Tökum dæmi:

Kennarinn: Góðan dag, í dag ætlum við að lesa Litlu gulu hænuna

Nemandinn: Já, vei gerum það.

sbr.

Kennarinn: Bless, í dag ætlum við að lesa Litlu gulu hænuna

Nemandinn: Já, vei gerum það.


Athyglisvert ekki satt?

Í dæminu hér að ofan er líka annað orð sem mér finnst oft skringilega notað. Orðið "vei". Þetta er oft notað til að lýsa hrifningu á einhverju. Til dæmis eins og í dæminu að ofan eða í eftirfarandi dæmi:

Pabbinn: Jæja krakkar nú förum við og fáum okkur ís

Krakkarnir í einum kór: Vei, það verður gaman.

Raunverulega væri hægt að útleggja þetta dæmi á eftirfarandi vegu:

Pabbinn: Jæja krakkar nú förum við og fáum okkur ís

Krakkarnir í einum kór: Helvítis andskoti, það verður gaman.

Athyglisvert ekki satt?

Allt sem hér fer á eftir eru alfarið mínar skoðanir og ég get engan veginn ábyrgst að það sé eitthvað vit í þeim frá sjónarhóli annarra. Mér er því nokk sama þó svo að seinna komi í ljós að þú, lesandi góður, sért alls ekki á sömu skoðun og ég í þeim málum sem um ræðir. Áður en lengra er haldið vill ég taka fram að ég elska myndina Very bad things. Ég tek þetta fram því myndin sem hér um ræðir finnst mér svipa nokkuð til þeirrar myndar. Mjög svartur húmor, óheftur og ekki verið að fela neitt.

KILL BILL

Er hægt að hlæja þegar tugum manna er slátrað með Samurai-a sverði á einu brett. Mitt svar er "já". Kannski er ég geðveikur en þessi mynd er algjör snilld. Ég hef heyrt fólk tala um að söguþráðurinn sé enginn, blóðsúthellingarnar séu alltof miklar og brellurnar séu lélegar. Ég veit ekki hvað skal segja, mér leiddist allavega ekki. Ekki nóg með að svarti húmorinn skíni í gegn alla myndina heldur er myndin líka lista vel gerð. Það eru smáatriðin sem skipta máli. Til dæmis má nefna bardagaatriðið milli Brúðarinnar og cottonmouth (lucy liu). Umhverfið er snilld, næstum eins og á aðfangadagsnótt í algjöru logni og það snjóar svona risa snjókornum. Svo kemur tónlistin inn og passar perfect við slagsmálin og allt verður einhvernveginn.. veit ekki alveg ... En svo er það smáatriðið, ein lítil vatns-eilífðarvél sem kemur alltaf í forgrunninn og fullkomnar stemninguna. Og þetta er bara eitt lítið atriði af mörgum sem eru einhvernveginn sjálfstæð inn í myndinni en mynda samt brilljant heild. Ég mæli hiklaust með henni.
o&o

Fór með Herjólfi upp á fastalandið á sunnudaginn. Haldiði að það hafi ekki verið risa sundmót í eyjum um helgina þannig að skipið var troðfullt af sundfólki, þjálfurum, fararstjórum og foreldrum á leið heim til sín. Hef bara aldrei lent í öðru eins, þetta var næstum eins og á þjóðhátíð fyrir utan fylleríið. Ég sver að það var klórlykt um borð. Þá fór ég að pæla. Hvað ef skipið sykki. Þá ættum við ekki einn einasta sundmann sem getur eitthvað. Næstu fimtán árin yrðu án íslenskra keppenda á stórmótum. Það væri alveg hræðilegt, er það ekki? Veit ekki.

Annað sem ég var að pæla. Ég fór í húsasmiðjuna áðan og tók eftir auglýsingunni utan á búðinni. Mynd af stelpu að mála undir yfirskriftinni "kláraðu málin með Húsasmiðjunni" eða eitthvað álíka. En það var ekki það sem mér fannst skrítið. Það sem mér fannst skrítið var klæðnaðurinn á stelpunni. Það var eins og hún væri nýkominn úr Sautján og hafi svo farið beint heim að mála í fötunum sem hún keypti. Alltaf þegar ég mála þá er ég í druslugalla ef ég er ekki í málningargalla. Mér fannst bara eitthvað bogið við þetta.

Hallúúú,
þá er langri helgi í Eyjum lokið. Mikil stemning ávallt í Eyjum enda besti staðurinn á jörðinni. Annars gerðist nú fátt markvert þessa helgina. Tók því bara rólega. Nenni ekki að tala um leikinn og svekkja mig. Nenni varla að lesa íþróttablöðin þessa stundina því ég veit alveg hvað er verið að tala um... Stóðum okkur vel en hefðum átt að ná í stig á móti Skotum... Well dööö.

Airwaves... mikið verið spurður hvort ég ætli. Er ekki enn búinn að ákveða mig... býst samt ekki við því. Kannski ég reyni að komast eins og eitt kvöld á e-a góða tónleika, t.d. eins og "80´s matchbox b-line disaster" sem ég vildi gjarnan sjá. Held barasta að ég tími ekki að borga mig inn á allt klabbið ef ég ætla svo ekki að fara öll kvöldin. Kemur í ljós.

Og svo eitt fyrir líffræðingana. Hver haldiði að hafi verið að baukast inn í Bónus áðan. Enginn annar en hinn "all mighty" SNÓ. Kemur ekkert á óvart að hann versli í þeirri ágætu verslun því það rennur þýskt blóð í hans æðum og eru þjóðverjar ekki þekktir fyrir að spara. Já abbababbababb... ekkert vera gera lítið úr mér, ég er háskólanemi sem á ekki bót fyrir boruna þannig að það er bara eðlilegt að ég versli í grísakoti en hann er sprenglærður Efna-eitthvað þannig að hann má alveg versla Hagkaup, ja eða Nóatúni kannski.
O&O

Jæja, byrjaður að blogga á ný og nú mega menn passa sig. Ég er aftur byrjaður að uppfæra "Svarta listann" og "Gullna listann" þannig að þið skuluð bara vera góð við mig annars eigiði á hættu á að lenda á þeim svarta. Svo er náttúrulega æsispennandi hver tekur við af Ástþóri Magnússyni á toppnum á gullna listanum. Eitt er víst að met hans yfir viðveru á listanum (tæpt ár) verður seint slegið

Annars er nú lítið í fréttum nema Dabe er á leiðinni til Eyja. Agalega verður það fínt. Svo er náttúrulega leikurinn um helgina þ.a. það verða nokkrir kaldir látnir detta.

Var búinn að gleyma þessu en kann að linka inn á aðrar síður á ný, samanber: Gaman að þessum

Ég hefði samt kannski átt að bíða fram í desember. Þá hefði ég getað haldið upp á ársafmæli van-bloggs. En well skiptir ekki öllu.

hahahah, takk fyrir að setja tengil inn á mig freydís.. ég tek þetta sem áskorun og fer kannski að blogga aftur. Ég meina ef það er enn verið að linka inn á mig þrátt fyrir að það sé liðið tæpt ár síðan ég bloggaði síðast þá hlýtur að vera eitthvað varið í þetta, ekki satt?

Well, kominnn heim í heiðardalinn. Kökur, steikur, rúm og sjónvarp- that´s my life um þessar mundir. Óska þeim fáu sem lesa þetta blogg gleðilegra jóla og hlakka til að hitta alla á nýju ári. Ég er farinn í jólafrí.

AAAAAAAAAAAAAAAAAAARARRRRRRRRRRRRRRRRRRRRRRGGGGGGGGGGGGGGGG
Það eru allir nema ég búnir í prófum og það er bara ekki þolandi, nei ekki ekki ekki þolandi. kíkið á ÞETTA og þið vitið hvernig mér líður. HEYYYJJJ ég kann að gera link, gríðarleg framför hjá king dave